معنى ش ل ب في لسان أهل تونس

مذكرات عبسلام رقم2 أي تشابه في الأحداث و الاسماء فهو مما ألقاه الشيطان، و نشهدُ الغرانيق  العُلى: كان الشيخ يحلم أنه سيساهم في تعبئة الطاقات وتنويرها لإقامة خلافة   على منهاج النبوّة. قال الشيخ يخاطب الأمّة: من الواضح أن الإسلام هو العمود الفقري الذي يقود  معارك الأمة الكبرى اليوم وفيما يستقبل، فهذا زمن الإسلام وحلفائه، وكأنّ مؤذّن  الكون يؤذّن، فيشقّ صوته عنان السماء وينداح في الأرجاء، يؤذّن مع النبي نوح  وسط الطوفان مناديا ابنه... فبلغ صدى كلماته الإنس و الجانّ ومن في الأرحام . بلع الشيخ ريقه و نادى: يا عبسلام هات شربة سقاك الله من ماء زمزم. -لا أريد يا شيخي، معبّي بالزرنيخ و ماء الخنادق... -فقت بيها هههه، اقعد عطشان، - بل سقاني الله صابرينًا و مروى... -باهي غير أسكت برك وماعدش تجبد صابرين و مروى، لو كان تسمعك سمية إلا  ما ترصّيلك بايت في الشيراطون... -يا شيخ نحب نمشي نعمل طلّة في لندن، عاد قلت نشاورك قبل ما نطير، تحبّش حاجة عرفي؟ -من عندك ما نحبّش، آما سلّملي على هاك الشنتي، و جيبلي شويّة بخور عكري من  ريحة جلالة الملكة. -سيدي الشيخ، نحب تحكيلي قصة كفاحك و دخولك الإسلام قبل ما نطير! -نقطة التحوّل يا بني كانت ليلة 15 يوليو تموز 1966... ليلتها يا بنيّ قمت أدعو  الله حتى تفطّرت قدماي و تمزّق سروالي الجديد، ليلتها يا كبدي دخلت الإسلام... لقد دعاني سبحانه دعوة لا تتحمّل الإنتظار، فخلعت عني أمرين: القومية و  العلمانية  و... الإسلام التقليدي، ودخلت في الإسلام الأصلي كما تلقّيته من مصدره  الاصلي: جبريل. -سيدي الشيخ يعني جبريل موجود في البيت بحذانا؟! -أي، نُرمال، إنّه هو أخي جبريل! سيدي الشيخ! برحمة نسيبتي سلّملي عليه، قلّو عبسلام من أشدّ المعجبين و هو  متلهّفٌ لسماع أخبارك، وقلّو ايجا أسهر بحذانا خاطر شاسمها بنتك تتوحّم... -عبسلام!! فزّ قوم الطيارة تسخّن في الموطور و الا تحب نبعثلك البراق! يتبع